FuPa 21-22

Salut {NAME}, léif FuPaner, D‘Saison 21-22 steet virun der Dier a vun e Freideg un dierfen dann och d‘ënnescht Divisiounen erëm offiziell a legal Matcher spillen. Wéi mer gesinn hunn hu schonn eng ganz Rei Veräiner hier Testmatcher agedroen. Well awer elo och vill Useren ausserhalb der BGL Ligue, der Liga 1 bei den Dammen an em Futsal de Wee erëm zréck op eis Portal fannen, wëlle mer iech drun erënneren, datt FuPa eng Matmaach-Plattform ass a jidderee ka säi Veräi geréieren, Livetickeren bedreiwen asw. Ouni Är Informatiounen wier eise Portal net denkbar an eis redaktionnell Aarbecht vill méi opwändeg – dofir ass et schéin, iech erëm um Dill ze gesinn! FuPa huet jo säit em Fréijoer bekanntlech en neien Design an eng nei App. Vue datt méi wéi 80% vun de Useren eise Portal mobil kucken, ass den Design komplett doropper ausgeriicht. Organisatoresch gëtt et kleng Ännerungen: Livetickeren kënnen am Prinzip eréischt vu 5 Deeg virun engem Match un reservéiert ginn, et sollen och nei Widgets kommen. Leider gëtt et awer och e Corona-bedéngten Ausfall: d‘YouSport-App, déi ee konnt notze fir selwer Matcher ze filmen an op FuPa eropzelueden, gëtt vum Bedreiwer leider agestallt, si huet et net duerch d‘Pandemie gepackt. Ob aner Léisunge kommen ass am Moment nach net gewosst, dat hänke vun eise Partner an Däitschland of. Trotz allem wäert FuPa weider wuesse wëllen, dat e.a. duerch d‘Integratioun vum Juniors-Championnat an de Veteranen. D‘Spillpläng vun der neier Saison wäerten an den nächsten Deeg a Wochen, esoubal se do sinn, och op FuPa importéiert ginn. Bei Froe mellt iech, bis dohinner wënschen ech eng gutt nei Saison a weider eng gutt Gesondheet an der Hoffnung, datt mer Covid geschwënn hannert eis kënne loossen! Paul Krier, www.fupa.net/luxemburg [Erfahre mehr zu FuPa im Hilfebereich](//support.fupa.net) Zukünftig keine Teammails mehr von FuPa erhalten? [Hier deaktivieren](